शिक्षा र शैली»
अन्योलमा बेलायत सपना
स्मिता मगर
काठमाडौ, माघ २१ - २०६६
सीता न्यौपानेको बेलायत सपना त्यतिखेर अन्योलमा पर्žयो जतिबेला बेलायत सरकारले नेपाली विद्यार्थीका लागि भिसा बन्दको घोषणा गर्žयो । केसम्म भयो भने उनले आवेदन गरेको कलेजसमेत बेलायत सरकारको निलम्बनमा पर्žयो ।
'लामो पर्खाईपछि भिसा आउने समयमा मैले आवेदन भरेको कलेज सस्पेन्सनमा पर्žयो,' उनले दुःखी हुँदै कान्तिपुरसँग भनिन्, 'अब झन् भिसा आवेदनमै रोक लगाएपछि चिन्ता लागेको छ ।' निलम्बित हुनेमा १ सय ४० कलेज छन् भने १५ वटा बन्दै गरिए ।
सीताले आवेदन गरेको ह्यामरस्मिथ कलेज निलम्बनमा परेपछि कलेजलाई तिरेको एक लाख रुपैयाँभन्दा बढी रकमका साथै भिसा आवेदनका प्रमाणपत्र र कागजपत्रहरूसमेत फिर्ता पाउने/नपाउने अन्योलमा छ ।
'यति धेरै रकम र समय खर्च भइसक्यो,' स्याङजाकी २२ वषर्ीया उनले भनिन्, 'यो समस्या कहिले हल हुने हो अनिश्चित छ । फेरि बाहिर पढ्न जानका लागि पर्खनबाहेक मसँग अर्को विकल्प पनि छैन ।'
विदेशमा पढ्न माइन्ड मेकअप गरिसकेकी उनलाई आजकल 'मानसिक रूपमा त्यहाँ पढ्न पुगिसकेको तर शरीर यहीं रहेको' जस्तो लाग्ने गरेको बताउँछिन् । 'यसले गर्दा मलाई केही कुरामा पनि केन्दि्रत हुन दिएको छैन,' उनले भनिन् । त्यसैले, उनी यो समस्या छिटै समाधान होस् भनेर दिनदिनै प्रार्थना गर्ने गरेकी छन् ।
युके बोर्डर एजेन्सीले अचानक फेब्रुअरी १ तारिखदेखि नेपाल, उत्तर भारत र बंगलादेशमा विद्यार्थी भिसा आवेदनमा केही समय रोक लगाएपछि सीताजस्ता हजारौं विद्यार्थी अलपत्र परेका हुन् । यही अप्रत्याशित निर्णयले यो क्षेत्रका विद्यार्थीहरूको पढ्ने सपनामा अनिश्चितकालका लागि अन्योलता छाएको हो ।
यो क्षेत्रबाट गत वर्षको भन्दा दस गुणा विद्यार्थी आवेदन परेकाले अस्थायी रोक लगाइएको सम्बन्धित निकायले बताएका छन् । नेपालको शिक्षा मन्त्रालय विदेश अध्ययन विभागका अनुसार २४ हजार ८ सय २४ मध्ये ६ हजार ६ सय २७ बेलायत गएका थिए ।
विश्वलाई बुझ्दै पढाइ र करियर राम्रो बनाउन युकेमा पढ्ने सपना बुनेका बूढानीलकण्ठवासी नोर्बु लामा पनि यो निर्णयले आफूलाई स्तब्ध बनाएको बताए । 'मेरो पढाइ फेब्रुअरी १८ तारिखबाट सुरु हुन्छ तर अब समयमा कलेज पुग्छु कि पुग्दिन, थाहा छैन,' उनले भने । शंकरदेवमा पढदै बाहिर जानका लागि दुई वर्ष अगाडिदेखि तयारी गरेका नोर्बु अहिले दुविधामा छन् ।
'मेरा प्रमणपत्रहरू नयाँ दिल्लीस्थित बि्रटिस हाई कमिसनमा पुगिसकेको इन्टरनेटबाट थाहा भएको छ । तर, पहिले झैं सुचारु रूपमा प्रोसेस भएन भने मेरो सेमेस्टरका लागि ढिलो हुनेछ,' उनी बताउँछन् ।
'टियार फोरको पोइन्ट बेस्ड सिस्टम' बाट आवेदन भर्नेहरूको रोकिएकाले फेरि खोलिँदा केही नियमहरू बदलिनेछ । 'नियममा फेरबदल आएपछि धेरै समस्या पर्न सक्छ । अहिले पुगेको नयाँ नियममा केही मापदण्ड नपुगेपछि मेरो कलेजले मलाई नलिन सक्छ,' नोबर्ुको बुझाइ छ ।
विद्यार्थीको निवेदनमा धेरै गैरविद्यार्थी प्रवेश गरेकाले आइन्दा छानबिन गरेरमात्र भिसा दिइने सम्बन्धित अधिकारीले बताउँदै आएका छन् । 'केही नियम फरक र कडा हुने सम्भावना बढेको छ,' योङ एजुकेसन सेन्टरकी परामर्शदाता अन्जना श्रेष्ठले भनिन्, 'यसले गर्दा थुप्रै असली विद्यार्थीको समय र पढाइमा असर पर्ने देखिन्छ ।'
भिसाको आवेदनमा रोक लागेपछि प्रक्रियामा छिरिसकेका समेतलाई असर पार्नेछ । 'उनीहरूलाई भिसा पनि नदिने र अस्वीकार पनि नगरिदिने भएकाले झन् दुविधामा पारेको छ,' श्रेष्ठले थपिन् ।
यही अन्योलका बीच भिसा आवेदनमा अस्थायी रोक लगाइएबारे फेब्रुअरी २२ बाट समीक्षा गरिने बेलायती निकायले बताएको छ । यसले विद्यार्थीहरूलाई छिटै समस्या समाधान हुने र पहिलेझैं भिसा आवेदन सुचारु हुने आशा गरेका छन् ।
साभार: कान्तिपुर दैनिक
